1. ສືກສາເບີ່ງຂໍ້ມູນຂອງບໍລິສັດທີ່ເຮົາຈະເຂົ້າໄປສຳພາດວຽກງານ

• ຮຽນຮູ້ສືກສາຂໍ້ມູນກ່ຽວກັບບໍລິສັດ ຫຼື ອົງກອນ, ວິໃສ່ທັດ ຫຼື ເປົ້າໝາຍ, ປະຫວັດຄວາມເປັນມາ, ແລະ ສີນຄ້າ ຫຼື ການບໍລິການ ເພື່ອນຳມາພິຈາລະນາເບີ່ງວ່າ ບໍລິສັດ ຫຼື ອົງກອນທີ່ຕົວເຮົາຢາກເຂົ້າໄປເປັນສ່ວນໜື່ງມັນສາມາດສະໜັບສະໜູນເຮົາໄດ້ບໍ່ທີ່ຈະເຕີບໃຫຍ່ໄປໃນທິດທາງເປົ້າໝາຍຂອງເຮົາບໍ່, ທັງນີ້ທັງນັ້ນທຸກຄົນຍ່ອມມີເປົ້າໝາຍໄລຍະສັ້ນໄລຍະຍາວ ແລະ ການຮຽນຮູ້ ຫຼື ການສະສົມປະສົບການ

• ເມື່ອສຶກສາຂໍ້ມູນແລ້ວ, ແນ່ນອນເຮົາຈະມີຄວາມເຂົ້າໃຈແນວທາງ ແລະ ວັດທະນະທຳການປະຕິບັດວຽກງານ, ຂ່າວສານອັບເດດໃຫມ່ຂອງທຸລະກິດ, ແລະ ສະຖານະການໃນອຸສາຫະກຳນັ້ນໆເຂົ້າມາພິຈາລະນາເຊັ່ນກັນ

• ຂໍ້ມູນທີ່ສຶກສາ ຫຼື ຮຽນຮູ້ມານັ້ນ, ແນ່ນອນມັນຈະເປັນເຄື່ອງມືໃຫ້ເຮົາຢ່າງຊັດເຈນວ່າ ຕົວເຮົາເອງມີຄວາມປະສົງສົນໃຈໃນວຽກງານນັ້ນແທ້ຈິງບໍ່?

2. ເຮົາຕ້ອງທຳຄວາມເຂົ້າໃຈລັກສະນະວຽກງານ ແລະ ຄວາມຄາດຫວັງ ຫຼື ຜົນສຳເລັດຂອງຕຳແໜ່ງງານນັ້ນ

• ສຶກສາຮຽນຮູ້ກ່ຽວກັບຕຳແໜ່ງງານທີ່ເປີດຮັບສະໝັກຢູ່ໃຫ້ລະອຽດ ແລະ ໜ້າທີ່ວຽກງານຫຼັກທີ່ຕ້ອງເຮັດແມ່ນຫຍັງ ລວມເຖິ່ງທັກສະຄວາມຮູ້ທີ່ຕ້ອງມີແມ່ນຫຍັງແດ່?

• ພິຈາລະນາເຖີ່ງທັກສະຄວາມຮູ້ທີ່ຕ້ອງມີທີ່ຕຳແໜ່ງງານນັ້ນຕ້ອງການ, ແລ້ວນຳມາສົມທຽບກັບປະສົບການຕົນເອງຜ່ານມາ, ເພື່ອກະກຽມຕົວຢ່າງນຳສະເໜີທີ່ກ່ຽວຂ້ອງ

• ຕ້ອງກະກຽມຄຳຕອບທີ່ອາດຈະເກີດຂື້ນ, ທີ່ກ່ຽວກັບສີ່ງທີ່ຕົວເອງໄດ້ນຳສະເໜີໄປໃຫ້ໄດ້ຢ່າງແຈ່ມແຈ້ງຊັດເຈນ

3. ໃຫ້ກະກຽມຄຳຖາມເພື່ອບາງທີເຮົາມີໂອກາດໄດ້ສອບຖາມຜູ້ສຳພາດ

• ກະກຽມຄຳຖາມທີ່ສະແດງເຖິ່ງຄວາມສົນໃຈຂອງເຮົາກັບຕຳແໜ່ງງານນັ້ນ ແລະ ຖາມເຖິ່ງກ່ຽວກັບທີມງານເປັນແບບໃດ ແລະ ຖາມກ່ຽວກັບຄວາມສຳເລັດຂອງບໍລິສັດ

• ໃຫ້ເຮົາຫລີກລຽງຖາມ ຫຼື ບໍ່ໃຫ້ຖາມຄຳຖາມທີ່ມີຄຳຕອບຢູ່ໃນ ເຟສບຸກ ຫຼື ມີຄຳຕອບຢູ່ໃນເວັບໄສ້ແລ້ວ

• ສີ່ງທີ່ກ່າວມາມັນບົງບອກເຖິ່ງຄວາມກະຕືລີລົ້ນ, ຄວາມສົນໃຈ ແລະ ການມີສ່ວນຮ່ວມຂອງເຮົາທີ່ມີຕໍ່ບໍລິສັດ ຫຼື ອົງກອນ

4. ໃຫ້ທົບທວນຄືນ ຫຼື ອ່ານເບີ່ງຊີວະປະຫວັດຂອງເຮົາທີ່ສົ່ງໄປສະໝັກໃຫ້ລະອຽດ

• ເຮົາຕ້ອງຈື່ ຫຼື ຈົດຈຳສີ່ງທີ່ເຮົາກະກຽມ ຫຼື ຂຽນຊີວະປະຫວັດຂອງເຮົາສົ່ງໄປສະໝັກ, ໃຫ້ຈື່ຂໍ້ມູນທັງໝົດທີ່ເຮົາໃສ່ໄປ ລວມເຖີ່ງຊ່ວງເວລາວັນທີ່ ຫຼື ຄວາມສຳເລັດຕ່າງໆ

• ໃຫ້ກະກຽມຂໍ້ມູນ ຫຼື ເວົ້າເຖີ່ງປະສົບການຂອງເຮົາທີ່ຜ່ານມາ ລວມເຖີ່ງກິດຈະກຳຍາມເຮົາຫວ່າງເຮັດຫຍັງ

• ໃຫ້ຝຶກການເວົ້າເຖິ່ງ ຫຼື ການອະທິບາຍເຖິ່ງຄວາມສຳເລັດຂອງເຮົາ ໃຫ້ອະທິບາຍໄດ້ຢ່າງຄ່ອງແຄ້ວສະແດງເຖິ່ງຄວາມພາກພູມໃຈຂອງເຮົາຕໍ່ຄວາມສຳເລັດນັ້ນ

5. ເຮົາຕ້ອງຮູ້ມື້ເວລາວັນທີ່ການສຳພາດຢ່າງຊັດເຈນ

• ໃຫ້ເຮົາກວດເບີ່ງຕາຕະລາງການນັດໝາຍ ແລະ ຮູບແບບ ຫຼື ແນວທາງການສຳພາດ, ການສຳພາດແບບພົບປະໂອ້ລົມ, ສຳພາດທາງໂທລະສັບ ຫຼື ທາງອອນລາຍ

• ຖ້າຫາກວ່າແມ່ນການສຳພາດແບບພົບປະໂອ້ລົມ ໃຫ້ເຮົາສຳຫຼວດໄລຍະທາງ ແລະ ວາງແຜ່ນເວລາການເດີນທາງລ່ວງໜ້າ

• ຖ້າຫາກວ່າແມ່ນການສຳພາດແບບໂທລະສັບ ຫຼື ທາງອອນລາຍ ໃຫ້ເຮົາກວດກາເບີ່ງເຄື່ອງມືອຸປະກອນກ່ອນລ່ວງໜ້າໜື່ງມື້ວ່າໃຊ້ງານປົກກະຕິບໍ່

6. ການແຕ່ງໂຕໄປສຳພາດ, ແມ່ນໃຫ້ແຕ່ງສຸພາບ ຫຼື ຕາມຄວາມເໝາະສົມກັບວັດທະນະທຳຂອງບໍລິສັດ ຫຼື ອົງກອນ

• ໃຫ້ເຮົາເລືອກໃສ່ຊຸດທີ່ເໝາະສົມກັບວັດທະນະທຳຂອງບໍລິສັດ ຫຼື ອົງກອນ ທີ່ເປັນທາງການ ຫຼື ກື່ງທາງການ

• ຕ້ອງກວດກາເບີ່ງໃຫ້ແນ່ໃຈວ່າເຄື່ອງແບບ ຫຼື ຊຸດທີ່ເຮົາໃສ່ ແມ່ນສະອາດເບີ່ງດູດີ ແລະ ເໝາະສົມພໍດີກັບຕົວເຮົາ

7. ໃຫ້ກະກຽມເອກະສານທີ່ຈຳເປັນນຳໄປພ້ອມ

• ໃຫ້ເອົາກ້ອບປີ້ ຫຼື ສຳເນົາຊີວະປະຫວັດ, ໃບປະກາດ, ບັດປະຈຳຕົວ, ແລະ ເອກະສານອື່ນໆທີ່ຈຳເປັນໄປນຳ, ລວມທັງປື້ມຈົດບັນທຶກ ແລະ ປີກຂຽນ

• ຖ້າສຳພາດແບບໂທລະສັບ ຫຼື ທາງອອນລາຍ ແມ່ນໃຫ້ເຮົາກະກຽມຊຸດເອກະສານດັ່ງທີ່ກ່າວມາໃຫ້ເຂົ້າຫາໄດ້ງ່າຍ ແລະ ສະດວກ

• ໃຫ້ກະກຽມລາຍຊື່ບຸກຄົນອ້າງອີງໄວ້ເພື່ອມີການຖາມເຖີ່ງບຸກຄົນອ້າງອີງ

1. ໃຫ້ຝືກຊ້ອມການຕອບຄຳຖາມທີ່ຜູ້ສຳພາດມັກຖາມເປັນສ່ວນຫຼາຍ

• ໃຫ້ທວນຄືນເຊັ່ນວ່າ: ຊ່ວຍແນະນຳຕົວໃຫ້ພວກເຮົາແດ່? ຈຸດແຂງ ແລະ ຈຸດອ່ອນຂອງເຈົ້າແມ່ນຫຍັງ? ແລະ ເປັນຫຍັງພວກເຮົາຈື່ງຮັບເຈົ້າເຮັດວຽກ?

• ກະກຽມຄຳຕອບທີ່ຊັດເຈນແຈ່ມແຈ້ງ, ສັ້ນກະຊັບ, ແລະ ເນັ້ນຄຸນນະສົມບັດທີ່ເໝາະສົມກັບຕຳແໜ່ງງານທີ່ສະໝັກໄປ

2. ຝຶກເວົ້າການແນະນຳຕົວເອງໃຫ້ສັ້ນກະຊັບຊັດເຈນ

• ໃຫ້ກະກຽມບົດການແນະນຳຕົວທີ່ບົງບອກເຖິ່ງວ່າເຈົ້າແມ່ນໃຜ, ມີຄຸນສົມບັດ, ມີຄວາມສາມາດຫຍັງແດ່ ໃຫ້ມີຄວາມກ່ຽວຂ້ອງກັບຕຳແໜ່ງງານທີ່ສະໝັກ

• ເວົ້າອະທິບາຍດ້ວຍຄວາມໝັ້ນໃຈ ແລະ ດືງດູດຄວາມສົນໃຈຂອງຜູ້ສຳພາດ

3. ຝຶກໃຊ້ທັກສະ ຫຼື ເຕັກນິກໃນການຕອບຄຳຖາມດ້ວຍ STAR

• ຈັດແຈງໂຄງສ້າງການຕອບຄຳຖາມແບບ STAR: (S: ສາຖານະການ, T: ວຽກງານທີ່ໄດ້ຮັບ, A: ສີ່ງທີ່ໄດ້ເຮັດ ຫຼື ການກະທຳ, R: ມີຜົນອອກມາ) ການຕອບແບບ STAR ມັນຈະຊ່ວຍເຮັດໃຫ້ເຮົາຕອບຄຳຖາມເປັນຮູບປະທຳ ຫຼື ສີ່ງທີ່ໄດ້ເຮັດ, ມັນຈະອະທິບາຍອອກມາຢ່າງຊັດເຈນ ແລະ ມີປະສິດທິພາບ

• ທຸກຄັ້ງທີ່ຕອບຄຳຖາມແມ່ນໃຫ້ມີ R: ມີຜົນອອກມາ ໃນທິດທາງບວກ ຫຼື ສີ່ງທີ່ເຮົາໄດ້ຮຽນຮູ້ໄດ້ວິທີແນວທາງໃນການປະຕິບັດໃນອະນາຄົດທີ່ດີຂື້ນກວ່າເກົ່າ

4. ຝືກນຳໃຊ້ພາສາທີ່ເປັນທາງການ ຫຼື ເປັນມືອາຊີບ ແລະ ຖ່ອມຕົວ

• ໃຫ້ຫລີກລຽງການໃຊ້ພາສາທີ່ບໍ່ເປັນທາງການ ແລະ ບໍ່ໃຫ້ໃຊ້ພາສາຕະຫຼາດ ຫຼື ຄຳຍໍ້ ແລະ ບໍ່ໃຫ້ໃຊ້ຄຳທີ່ເຂົ້າໃຈຍາກ

• ການເວົ້າຈາຕ້ອງສຸພາບ, ບໍ່ອວດໂອ້ເວີ້ວັງ, ແລະ ຕ້ອງເວົ້າດ້ວຍຄວາມໝັ້ນໃຈ

• ໃຫ້ສະແດງຄວາມເຕັມໃຈອອກມາທີ່ຈະຮຽນຮູ້ ແລະ ການພັດທະນາທີ່ດີຂື້ນ

1. ຊ່ວຍບອກພວກເຮົາກ່ຽວກັບເຈົ້າໃຫ້ພວກເຮົາຮັບຮູ້ແດ່?

• ໃຫ້ເນັ້ນບອກປະສົບການ ການເຮັດວຽກທີ່ຜ່ານມາ, ມີຜົນສໍາເລັດທີ່ໂດດເດັ່ນຫຍັງແດ່, ແລະ ເຫດຜົນທີ່ເຮົາສົນໃຈໃນໂອກາດວຽກງານຕຳແໜ່ງງານນີ້ໃຫ້ແຈ້ງບອກໄປ

• ເຮົາຕ້ອງແນະນຳຕົວເອງໃຊ້ເວລາ (1–2 ນາທີ) ແລະ ເວົ້າເຖີ່ງສີ່ງທີ່ກ່ຽວຂ້ອງກັບຕຳແໜ່ງງານທີ່ເຮົາສະໝັກ

2. ເປັນຫຍັງເຈົ້າຈຶ່ງຢາກເຮັດວຽກຮ່ວມກັບພວກເຮົາ?

• ຄຳຖາມນີ້ຜູ້ສຳພາດຢາກຮູ້ວ່າ, ເຮົາໄດ້ສຶກສາຂໍ້ມູນກ່ຽວກັບບໍລິສັດບໍ່?

• ໃຫ້ໂອ້ລົມສົນທະນາກ່ຽວກັບຄຸນຄ່າຂອງບໍລິສັດ ຫຼື ອົງກອນ, ວັດທະນະທໍາ, ຫຼື ຜົນສໍາເລັດທີ່ຜ່ານມາທີ່ສອດຄ່ອງກັບເປົ້າຫມາຍຂອງຕົວເຮົາ

3. ຈຸດແຂງ ແລະ ຈຸດອ່ອນຂອງເຈົ້າແມ່ນຫຍັງ?

• ໃຫ້ບອກຈຸດແຂງທີ່ຕອບສະຫນອງຄວາມຕ້ອງການຂອງຕໍາແຫນ່ງວຽກງານທີ່ເຮົາສະໝັກ

• ສໍາລັບຈຸດອ່ອນ, ແມ່ນໃຫ້ບອກໄປດ້ວຍຄວາມຊື່ສັດ ຫຼື ໃຫ້ເວົ້າຄວາມຈິງ ແລະ ບອກໄປວ່າເຮົາກຳລັງປັບປຸງແກ້ໄຂຢູ່ ແລະ ພັດທະນາໃຫ້ດີຂື້ນ

4. ຊ່ວຍອະທິບາຍບັນຫາທີ່ເຈົ້າໄດ້ພົບ ຫຼື ບັນຫາທີ່ເຄີຍພົບຜ່ານມາ ແລະ ວິທີທີ່ເຈົ້າຈັດການກັບມັນ ຫຼື ແກ້ໄຂບັນຫາແບບໃດ?

• ໃຫ້ຕອບໂດຍການນຳໃຊ້ເຕັກນິກ STAR (ສະຖານະການ, ວຽກງານ, ການປະຕິບັດ, ຜົນໄດ້ຮັບ)

• ເລືອກເອົາຕົວຢ່າງຕົວຈິງທີ່ສະແດງໃຫ້ເຫັນທັກສະຄວາມສາມາດໃນການແກ້ໄຂບັນຫາຂອງເຮົາ ແລະ ການປັບຕົວຂອງເຮົາ

5. ເຈົ້າເຫັນຕົວເອງເປັນແບບໃດໃນອີກ 5 ປີຂ້າງໜ້າ?

• ຜູ້ສຳພາດຕ້ອງການຮູ້ວ່າເຮົາມີແນວທາງ ຫຼື ເປົ້າໝາຍຂອງເຮົາ, ໃຫ້ບອກໄປ ແລະ ສະແດງໃຫ້ເຫັນຄວາມທະເຍີທະຍານໃນໄລຍະຍາວ ແລະ ຄວາມສົນໃຈທີ່ຈະພັດທະນາຂອງເຮົາ

• ຖ້າເປັນໄປໄດ້, ໃຫ້ເວົ້າສີ່ງທີ່ເຊື່ອມໂຍງເປົ້າໝາຍຂອງເຮົາກັບທິດທາງຂອງບໍລິສັດ ຫຼື ອົງກອນ

6. ໜ້າທີ່ວຽກງານອັນໃດທີ່ເຈົ້າໄດ້ເຮັດແລ້ວຕື່ນເຕັ້ນ ແລະ ທ້າທາຍທີ່ສຸດກ່ຽວກັບຕຳແໜ່ງງານນີ້?

• ໃຫ້ໂອ້ລົມສົນທະນາກ່ຽວກັບຫນ້າທີ່ຄວາມຮັບຜິດຊອບ ຫຼື ຄຸນຄ່າຂອງບໍລິສັດທີ່ເຮັດໃຫ້ເຮົາມີຄວາມຮູ້ສຶກປະທັບໃຈ

• ໃຫ້ສະແດງຄວາມກະຕືລືລົ້ນ ແລະ ສອດຄ່ອງກັບທັກສະທີ່ເຮົາມີ

7. ເປັນຫຍັງເຈົ້າຈຶ່ງລາອອກ ຫຼື ຍ້ອນຫຍັງເຈົ້າຈື່ງຕ້ອງການທີ່ຈະລາອອກ?

• ຕອບດ້ວຍຄວາມຊື່ສັດ ແຕ່ເປັນມືອາຊີບ

• ໃຫ້ຫຼີກເວັ້ນການເວົ້າໃນທາງລົບ ແລະ ສຸມໃສ່ການຈະເລີນເຕີບໂຕ ຫຼື ໂອກາດທີ່ດີກວ່າ

8. ເປັນຫຍັງພວກເຮົາຄວນຈ້າງເຈົ້າເຂົ້າຮ່ວມງານກັບພວກເຮົາ?

• ໃຫ້ສະຫຼຸບຄຸນສົມບັດ, ຄວາມຮູ້ຄວາມສາມາດທີ່ເຮົາມີ, ປະສົບການ ແລະ ຄວາມກະຕືລືລົ້ນຂອງເຮົາທີ່ຕ້ອງການວຽກງານນີ້

• ຊີບອກໃຫ້ເຫັນຈຸດແຂງຂອງເຮົາທີ່ເຮັດໃຫ້ມີຄວາມແຕກຕ່າງ ແລະ ສິ່ງທີ່ເຮົາສາມາດນໍາມາເສີມທີມງານ

9. ເຈົ້າຄາດຫວັງເງິນເດືອນໄວ້ເທົ່າໃດ ຫຼື ຕ້ອງການເງິນເດືອນຫຼາຍປານໃດ?

• ໃຫ້ສຶກສາຂໍ້ມູນລ່ວງໜ້າກ່ຽວກັບຕະຫຼາດຄ່າແຮງງານຕຳແໜ່ງທີ່ເຮົາສະໝັກແມ່ນໄດ້ເທົ່າໃດ

• ສະເຫນີລະດັບຂັ້ນເງິນເດືອນທີ່ເຫມາະສົມໂດຍອີງໃສ່ມາດຕະຖານອຸດສາຫະກໍາ ແລະ ປະສົບການຂອງເຮົາ

10. ເຈົ້າມີຄຳຖາມຕ້ອງການຖາມພວກເຮົາບໍ່?

• ໃຫ້ຕອບວ່າ ມີ ເປັນປະຈຳ, ຫ້າມເດັດຂາດຫ້າມຕອບວ່າ ບໍ່ມີ

• ຖາມກ່ຽວກັບໂຄງສ້າງທີມງານ, ໂອກາດການຈະເລີນເຕີບໂຕໃນຕຳແໜ່ງງານນີ້ເປັນແບບໃດ ຫຼື ຖາມເຖິ່ງຂັ້ນຕອນຕໍ່ໄປໃນຂະບວນການຮັບສະໝັກແນວໃດຕໍ່

11. ເຈົ້າຮັບມືກັບຄວາມກົດດັນ ຫຼື ວຽກງານທີ່ມີມື້ກຳນົດທີ່ຕ້ອງແລ້ວ ແລະ ຕ້ອງສົ່ງລາຍງານວຽກທີ່ຊັດເຈນ ບໍ່ສາມາດສົ່ງຊ້າເລີຍເກີນມື້ກຳນົດສົ່ງແນວໃດ?

• ໃຫ້ຍົກຕົວຢ່າງທີ່ບົງບອກວິທີທີ່ເຮົາສາມາດສະຫງົບສະຕິອາລົມໄດ້ ແລະ ເຮົາຍັງເຮັດວຽກໄດ້ຢ່າງມີປະສິດທິພາບພາຍໃຕ້ຄວາມກົດດັນ ຫຼື ພາຍໃຕ້ຄວາມຕື່ງຄຽດ

1. ໄປຮອດສະຖານທີ່ນັດໝາຍ

• ຄວນໄປຮອດກ່ອນເວລານັດໝາຍ 10-15 ນາທີ

• ການທີ່ເຮົາໄປຮອດກ່ອນເວລານັດໝາຍ ຫຼື ຕົງເວລານັດໝາຍ ມັນບົງບອກເຖິງຄວາມໜ້າເຊື່ອຖື ແລະ ຄວາມເຄົາລົບຕໍ່ເວລາຂອງຜູ້ສຳພາດ

2. ການແຕ່ງໂຕໃຫ້ເໝາະສົມ

• ຄວນແຕ່ງໂຕສຸພາບເປັນມືອາຊີບ ແລະ ເຂົ້າກັບວັດທະນະທຳຂອງອົງກອນ ຫຼື ບໍລິສັດທີ່ເຮົາໄປສຳພາດ

• ກວດກາເບີ່ງໃຫ້ແນ່ໃຈວ່າເສຶ້ອຜ້າສະອາດງາມຕາ ແລະ ເໝາະສົມກັບຕຳແໜ່ງງານທີ່ເຮົາສະໝັກ

3. ກ່າວທັກທາຍຢ່າງສຸພາບ

• ຖ້າວ່າການພົບປະສຳພາດແບບເຫັນໜ້າ ຄວນຈັບມືຢ່າງໝັ້ນໃຈ ແລະ ສົບສາຍຕາ

• ໃຊ້ຄຳທັກທາຍທີ່ສຸພາບເຊັ່ນວ່າ: ສະບາຍດີ ຫຼື ຍິນດີທີ່ໄດ້ພົບ

4. ໃຫ້ຮັກສາພາສາກາຍຢ່າງເປັນມືອາຊີບ

• ນັ່ງລົງຊື່ຕົງໃນທ່າທາງມີຄວາມໝັ້ນໃຈ

• ໃຫ້ຫຼິກລຽງການກອດໜ້າອົກ ຫຼື ການຂະຫຍັບຕົວຢູ່ຕະຫຼອດ

• ສະແດງຄວາມສົນໃຈດ້ວຍການພະຍັກໜ້າ ແລະ ສະແດງສີໜ້າທີ່ເໝາະສົມ 

5. ສຸພາບ ແລະ ສະແດງຄວາມເຄົາລົບ

• ຫ້າມເດັດຂາດ, ບໍ່ໃຫ້ເວົ້າຕັດ ຫຼື ເວົ້າແຊກ ໃນຂະນະທີ່ຜູ້ອື່ນກຳລັງເວົ້າ

• ຕ້ອງມີມາລະຍາດກັບທຸກຄົນ ລວມເຖີ່ງພະນັກງານຕ້ອນຮັບ ຫຼື ຜູ້ຊ່ວຍ

6. ໃຫ້ກະກຽມເອກະສານທີ່ຈຳເປັນ

• ໃຫ້ສຳເນົາ ຫຼື ກ້ອບປີ້ເອົາຊີວະປະຫວັດໄປນຳ, ລາຍຊື່ບຸກຄົນອ້າງອີງ ແລະ ເອກະສານອື່ນໆອາດຈະໄດ້ໃຊ້

• ຖ້າຫາກວ່າເປັນການສຳພາດອອນລາຍ ໃຫ້ກຽມໄຟເອກະສານດິຈິຕອນທີ່ຊອກຫາງ່າຍ

7. ເວລາສຳພາດໂອລົມກັນແມ່ນໃຫ້ປິດສຽງໂທລະສັບມືຖື

• ຫຼີກເວັ້ນການກວດເບິ່ງໂທລະສັບຂອງທ່ານໃນລະຫວ່າງການສໍາພາດ

8. ຕ້ອງຕັ້ງໃຈຟັງຢ່າງລະມັດລະວັງເພື່ອຄວາມເຂົ້າໃຈຖືກຕ້ອງ

• ເອົາໃຈໃສ່ກັບຄໍາຖາມ ແລະ ຄໍາຄິດເຫັນຂອງຜູ້ສໍາພາດ ແລະ ໃຫ້ຕອບຕົງປະເດັນ

• ຖ້າເຮົາຍັງບໍ່ເຂົ້າໃຈບາງຈູດ ຫຼື ບໍ່ເຂົ້າໃຈຄຳຖາມ, ໃຫ້ຖາມຜູ້ສຳພາດຄືນໃຫ້ອະທິບາຍເພີ້ມຕື່ມ ຫຼື ອະທິບາຍຄວາມກະຈ່າງແຈ້ງໃຫ້ເຮົາເຂົ້າໃຈແທ້ຈີງວ່າເຮົາເຂົ້າໃຈຖືກແລ້ວແທນທີ່ຈະຄາດເດົາແລ້ວຕອບໄປໂດຍທີ່ບໍ່ຕົງປະເດັນ

9. ເຮົາຕ້ອງຕອບຄຳຖາມໃຫ້ຊັດເຈນ ແລະ ຕອບຢ່າງໝັ້ນໃຈ

• ຈະແຈ້ງ ແລະ ກົງໄປກົງມາ, ແລະ ຫຼີກລ້ຽງຄຳສັບທີ່ຊ້ຳຊ້ອນ ເຊັ່ນ “ເອີ-ຫຶ” ຫຼື “ເປັນແນວໃດ.”

• ໃຊ້ພາສາໃນທາງບວກ ແລະ ເນັ້ນຫນັກໃສ່ຄວາມເຂັ້ມແຂງ ແລະ ຜົນສໍາເລັດ

• ຄຳຖາມທີ່ເຮົາບໍ່ມີຄວາມຮູ້ ຫຼື ບໍ່ເຄີຍຜ່ານມາກ່ອນໃຫ້ຕອບຕາມຄວາມຈິງ ແລະ ສະແດງໃຫ້ເຫັນວ່າເຮົາພ້ອມທີ່ຈະປັບຕົວຮຽນຮູ້

10. ໃຫ້ຫຼີກ​ລ້ຽງ​ການ​ສົນທະນາໂອ້ລົມສີ່ງທີ່ເປັນ​ທາງ​ລົບ

• ຢ່າວິພາກວິຈານນາຍຈ້າງ ຫຼື ອະດີດເພື່ອນຮ່ວມງານເດັດຂາດ

• ໃຊ້ນໍ້າສຽງແບບມືອາຊີບ ແລະໃຫ້ຄໍາຄິດເຫັນທີ່ສ້າງສັນ

11. ຕິດຕາມຜົນການສຳພາດ

• ສົ່ງອີເມວ ຫຼື ຂໍ້ຄວາມຂອບໃຈພາຍໃນ 24 ຊົ່ວໂມງ ທີ່ໃຫ້ໂອກາດເຮົາໄດ້ເຂົ້າໄປສຳພາດ

• ສະແດງຄວາມກະຕັນຍູສໍາລັບໂອກາດດັ່ງກ່າວ ແລະ ກ່າວຄືນຄວາມສົນໃຈຂອງເຮົາໂດຍຫຍໍ້

• ຖ້າຜົນການສຳພາດ, ເຮົາບໍ່ຜ່ານ ຫຼື ບໍ່ໄດ້ເຂົ້າຮ່ວມຂັ້ນຕອນຕໍ່ໄປ ແມ່ນໃຫ້ຂໍຄຳຊີ້ແນະ ແນວທາງສີ່ງທີ່ເຮົາຍັງເຮັດບໍ່ໄດ້ດີພໍ ເພື່ອນຳມາພັດທະນາປັບປຸງຕໍ່ໄປ

1. ການກະກຽມການສໍາພາດທີ່ບໍ່ດີ. ລະເລີຍໃນການຄົ້ນຄວ້າບໍລິສັດ/ອົງກອນ ຫຼື ພາລະບົດບາດຂອງໜ້າວຽກລ່ວງຫນ້າສາມາດຊີ້ບອກໃຫ້ເຫັນເຖີ່ງການຂາດຄວາມສົນໃຈ. ຮຽນ​ຮູ້​ກ່ຽວ​ກັບ​ອົງ​ການ​ຈັດ​ຕັ້ງ, ພາ​ລະ​ກິດ, ແລະ ​ຄວາມ​ຮັບ​ຜິດ​ຊອບ, ແລະ ຝືກຕອບ​ຄໍາ​ຖາມ​ທົ່ວ​ໄປທີ່ພົບພໍ້ເປັນປະຈຳໃນການສຳພາດວຽກ

2. ປ່ອຍປະລະເລີຍໃນການຕິດຕາມຜົນສຳພາດ. ລະເລີຍໃນການສົ່ງອີເມວຂອບໃຈ ຫຼື ສອບຖາມ/ກວດເບິ່ງສະຖານະຂອງຄໍາຮ້ອງສະຫມັກຂອງເຮົາສາມາດເຮັດໃຫ້ເຫັນເຖິງການຂາດຄວາມເປັນມືອາຊີບ. ໃຫ້ຕິດຕາມຫຼັງການສໍາພາດເພື່ອສະແດງຄວາມຮູ້ບຸນຄຸນ ແລະຄວາມສົນໃຈຢ່າງຕໍ່ເນື່ອງ

3. ບໍ່ສຶກສາເບີ່ງຂໍ້ມູນກ່ຽວກັບບໍລິສັດ ຫຼື ອົງກອນທີ່ເຮົາຈະໄປສຳພາດ, ການທີ່ເຮົາໄປສຳພາດງານໂດຍທີ່ເຮົາບໍ່ຮູ້ວ່າບໍລິສັດ ຫຼື ອົງກອນເຮັດຫຍັງ ມັນເປັນສັນຍານເຕືອນວ່າເຮົາອາດຈະບໍ່ຜ່ານການສຳພາດ, ເຮົາຕ້ອງສຶກສາເບີ່ງຂໍ້ມູນກ່ອນໄປສຳພາດງານຜ່ານ Website, Facebook ຫຼື ແຫຼ່ງອື່ນໆທີ່ສາມາດຮູ້ໄດ້ວ່າ ບໍລິສັດເຮັດຫຍັງ, ຂ່າວລ້າສຸດເປັນແນວໃດ ແລະ ວັດທະນະທຳຂອງບໍລິສັດ ຫຼື ອົງກອນເປັນແບບໃດ ເພື່ອເຮົາເອງຈະໄດ້ກະກຽມຄຳຕອບທີ່ສອດຄ່ອງ

4. ການທີ່ບໍ່ປິດໂທລະສັບ ຫຼື ບໍ່ໃຊ້ລະບົບມິດງຽບ ຫຼື ສັ່ນ, ເຮັດໃຫ້ມີສຽງດັງລົບກວນການສຳພາດ ເປັນການບໍ່ເປັນມືອາຊີບ ແລະ ບໍ່ມີຄວາມສຸພາບ ເປັນການບໍ່ເຄົາລົບບໍ່ໃຫ້ກຽດ, ເຮົາຄວນປິດໂທລະສັບ ຫຼື ກໍ່ນຳໃຊ້ລະບົບມິດງຽບເວລາສຳພາດງານເພື່ອບໍ່ເປັນການລົບກວນ

5. ພາສາກາຍທີ່ບໍ່ເໝາະສົມ, ຫຼີກລ່ຽງສາຍຕາ, ຫຼື ເຄື່ອນທີ່ໄປມາຫຼາຍເກີນສາມາດບົ່ງບອກເຖິງຄວາມກັງວົນ ຫຼື ຄວາມບໍ່ສົນໃຈ. ເຮົາຕ້ອງນັ່ງຊື່ຕົງ, ຮັກສາສາຍຕາ, ແລະໃຊ້ທ່າທາງເປັນທໍາມະຊາດເພື່ອສະແດງຄວາມຫມັ້ນໃຈ ແລະ ຄວາມມຸ່ງຫມັ້ນຄວາມຕັ້ງໃຈຂອງເຮົາ

6. ຕອບຄຳຖາມນອກຫົວຂໍ້ ຫຼື ບໍ່ກ່ຽວຂ້ອງ ຄໍາຕອບທີ່ບໍ່ຊັດເຈນ ຫຼື ນອກຫົວຂໍ້ ສະແດງເຖິງການສື່ສານທີ່ບໍ່ດີ. ເຮົາຕ້ອງຟັງຄໍາຖາມຢ່າງລະມັດລະວັງ ແລະ ນໍາໃຊ້ເຕັກນິກ STAR (ສະຖານະການ, ວຽກງານ, ການປະຕິບັດ, ຜົນໄດ້ຮັບ) ເພື່ອຈັດໂຄງສ້າງຄໍາຕອບຂອງເຮົາໃນລັກສະນະທີ່ຊັດເຈນ ແລະ ກ່ຽວຂ້ອງ

7. ການແນະນໍາໂຕທີ່ບໍ່ໄດ້ ຫຼື ບໍ່ເຫມາະສົມ ການແນະນໍາທີ່ບໍ່ໄດ້ຂາດຕົກບົກພ່ອງສາມາດເຮັດໃຫ້ຄວາມປະທັບໃຈຄັ້ງທໍາອິດບໍ່ໄດ້ເລີຍ. ກະກຽມການແນະນຳແບບມືອາຊີບສັ້ນໆທີ່ອະທິບາຍເຖິງຄວາມຮູ້ຄວາມສາມາດຂອງເຮົາທີ່ຈະມາຊ່ວຍແກ້ໄຂບັນຫາ, ຄວາມເຂັ້ມແຂງ, ແລະ ຄວາມກະຕືລືລົ້ນຂອງເຮົາ

8. ການນຸ່ງຖື ຫຼື ໃສ່ເກີບທີ່ບໍ່ເໝາະສົມ ການນຸ່ງຖືແບບທຳມະດາເກີນໄປ ຫຼື ບໍ່ເໝາະສົມ ສາມາດເຮັດໃຫ້ບໍ່ມີຄວາມປະທັບໃຈຄັ້ງທຳອິດທີ່ໄດ້ພົບ. ເຮົາຕ້ອງນຸ່ງ​ເຄື່ອງ​ທີ່​ມີ​ຄວາມ​ລະ​ອຽດ​ອ່ອນ​ ແລະ ​ເຫມາະ​ສົມ​ກັບ​ພາ​ລະ​ບົດ​ບາດ ແລະ ມີຄວາມສຸພາບເປັນມືອາຊີບ

9. ທັດສະນະຄະຕິທາງລົບ ຫຼື ຄວາມເຊື່ອໝັ້ນຕົວເອງຫຼາຍເກີນໄປ ການເວົ້າໃນແງ່ລົບກ່ຽວກັບນາຍຈ້າງທີ່ຜ່ານມາ ຫຼື ການອວດໂອ້ອວດດີ ຈະສ້າງຄວາມບໍ່ປະທັບໃຈບໍ່ດີຕໍ່ການສຳພາດງານເລີຍ. ຈົ່ງເວົ້າສີ່ງທີ່ເປັນບວກ, ຖ່ອມຕົວ, ແລະ ສຸມໃສ່ສິ່ງທີ່ເຈົ້າສາມາດນໍາມາໃຫ້ບໍລິສັດໄດ້ເຊັ່ນ: ຄວາມຮູ້ຄວາມສາມາດທີ່ເຮົາມີເພື່ອນຳມາເສີມທີມ

1. ສົ່ງອີເມວ ຫຼື ຂໍ້ຄວາມຂອບໃຈພາຍໃນ 24 ຊົ່ວໂມງ

• ສະແດງຄວາມຮູ້ບຸນຄຸນສໍາລັບໂອກາດ ແລະ ເວລາຂອງຜູ້ສໍາພາດ

• ຢືນຢັນຄວາມສົນໃຈຂອງເຮົາໃນຕຳແໜ່ງທີ່ເຮົາສະໝັກຄືນໃໝ່ ແລະ ກ່າວເຖິງຈຸດເດັ່ນທີ່ເຮົາໄດ້ຮຽນຮູ້ຈາກການສຳພາດ

• ເຮົາຕ້ອງຂຽນອອກມາໃຫ້ເປັນມືອາຊີບ ແລະ ສັ້ນກະທັດລັດ

2. ທົບທວນຄືນສິ່ງທີ່ເຮົາເຮັດໄດ້ດີ ແລະ ສິ່ງທີ່ເຮົາຕ້ອງປັບປຸງອີກຕື່ມ

• ໃຊ້ເວລາສອງສາມນາທີເພື່ອທົບທວນຄືນປະສິດທິພາບການສຳພາດຄັ້ງນີ້

• ສັງເກດຄຳຖາມທີ່ເຮົາພົບຄວາມຫຍຸ້ງຍາກ ແລະ ຈູດທີ່ເຮົາຕ້ອງໄດ້ປັບປຸງໃຫ້ດີຂື້ນ

• ໃຊ້ການທົບທວນຄືນນີ້ເພື່ອກະກຽມທີ່ດີກວ່າສໍາລັບການສໍາພາດຄັ້ງຕໍ່ໄປຂອງເຮົາ

3. ຕິດຕາມຄືນຢ່າງສຸພາບພາຍຫຼັງ 7 ມື້ ຖ້າເຮົາຍັງບໍ່ໄດ້ຮັບຮູ້ຜົນການສຳພາດ

• ຖ້າເຮົາຍັງບໍ່ຮູ້ຜົນການສຳພາດ, ກະລຸນາສົ່ງອີເມວ ຫຼື ສົ່ງຂໍ້ຄວາມຕິດຕາມຢ່າງສຸພາບເພື່ອກວດສອບສະຖານະການສະໝັກວຽກຂອງເຮົາ

• ຢືນຢັນຄວາມສົນໃຈຂອງເຮົາຄືນໃໝ່ ແລະ ຂອບໃຈຜູ້ສໍາພາດອີກຄັ້ງສໍາລັບໂອກາດ

4. ຮຽນຮູ້ຈາກປະສົບການ ແລະ ປັບປຸງພັດທະນາ

• ໃຫ້ເບິ່ງທຸກໆການສໍາພາດເປັນໂອກາດການຮຽນຮູ້ຂອງເຮົາ

• ຝຶກຊ້ອມ ແລະ ປັບປຸງຄຳຕອບ ແລະ ພຶດຕິກຳຂອງເຮົາຢ່າງຕໍ່ເນື່ອງ

1. ມີຄວາມຊື່ສັດ ແລະ ໝັ້ນໃຈຕົວເອງແຕ່ບໍ່ໃຫ້ໝັ້ນໃຈເກີນໄປ

• ຕອບຄຳຖາມດ້ວຍຄວາມຊື່ສັດໂດຍອີງໃສ່ປະສົບການຂອງເຮົາ

• ຄວາມໝັ້ນໃຈໃນຄວາມສາມາດຂອງເຮົາຈະເຮັດໃຫ້ປະທັບໃຈ, ແຕ່ໃຫ້ຫຼີກລ່ຽງເບີ່ງຄືວ່າຢີ່ງເກີນໄປ

2. ຕົງໄປຕົງມາ ແລະ ຊັດເຈນໃນຄໍາຕອບຂອງເຮົາ

• ເຮົາຕ້ອງຕອບຄຳຖາມໃຫ້ຕົງປະເດັນ ແລະ ຊັດເຈນ

• ຫຼີກລຽງການຕອບແບບນອກເລື່ອງ ຫຼື ການຕອບຄຳຖາມທີ່ດົນເກີນໄປແບບນ້ຳຖ້ວມທຸງຈັບປະເດັນບໍ່ໄດ້

• ໃຊ້ຕົວຢ່າງທີ່ກ່ຽວຂ້ອງໂດຍຕົງກັບຕໍາແຫນ່ງງານທີ່ເຮົາສະໝັກ

3. ທຸກຄັ້ງທີ່ເຮົາໄປສຳພາດງານ ເຮົາຕ້ອງມີຄຳຖາມຜູ້ສຳພາດເຊັ່ນກັນທີ່ກ່ຽວຂ້ອງຕຳແໜ່ງງານທີ່ເຮົາສະໝັກ

• ສະແດງຄວາມສົນໃຈຢ່າງແທ້ຈິງໂດຍການຖາມກ່ຽວກັບເປົ້າໝາຍຂອງບໍລິສັດ, ການເຮັດວຽກເປັນທີມ, ຫຼື ໂອກາດໃນການຈະເລີນເຕີບໂຕຂອງຕຳແໜ່ງງານເປັນແບບໃດ

• ຫຼີກເວັ້ນການຖາມກ່ຽວກັບເງິນເດືອນ ຫຼື ຜົນປະໂຫຍດໄວເກີນໄປ ເວັ້ນເສຍແຕ່ຜູ້ສຳພາດຈະຖາມມາກ່ອນ

4. ຫຼັກສະນະທ່າທາງພາສາກາຍເວລາສຳພາດວຽກງານ

• ນັ່ງຊື່, ຮັກສາສາຍຕາ ຫຼື ສົບສາຍຕາເວລາສົນທະນາ, ແລະ ຍິ້ມແຍ້ມຕາມຄວາມເໝາະສົມ

• ຫຼີກລ່ຽງການເຮັດທ່າທາງເຊັ່ນ: ປິດກັ້ນຕົວເອງ, ກອດໜ້າເອິກ, ຫຼື ຂະຫຍັບອ່ຽງຕົວໄປມາຫຼາຍເກີນໄປ

5. ຂອບໃຈຜູ້ສໍາພາດກ່ອນຈະຈົບສົນທະນາການສຳພາດ

• ສະແດງຄວາມຮູ້ບຸນຄຸນສຳລັບເວລາ ແລະ ໂອກາດໃນການສຳພາດ

• ຄຳເວົ້າງ່າຍໆ ເຊັ່ນ: “ຂອບໃຈສຳລັບໂອກາດທີ່ໄດ້ເຂົ້າມາພົບປະໂອ້ລົມສຳພາດງານໃນຄັ້ງນີ້”

6. ຄວາມໝັ້ນໃຈເປັນກຸນແຈ – ເຮົາຕ້ອງມີຄວາມໝັ້ນໃຈ ແລະ ເຊື່ອໝັ້ນໃນຕົວເອງ

• ຍ່າງເຂົ້າໄປໃນຫ້ອງ ຫຼື ສະຖານທີ່ການສໍາພາດດ້ວຍທັດສະນະຄະຕິທີ່ເຮົາກຽມພ້ອມ ແລະ ສາມາດເຮັດໄດ້

• ຄວາມໝັ້ນໃຈຊ່ວຍໃຫ້ເຮົາສື່ສານຢ່າງຈະແຈ້ງ ແລະ ຕອບຄຳຖາມທີ່ບໍ່ຄາດຄິດໄດ້ຢ່າງເປັນມືອາຊີບ

• ແຕ່ບໍ່ໃຫ້ໝັ້ນໃຈເກີນໄປ, ໃຫ້ມີຄວາມຖ່ອມຕົວ ແລະ ບໍ່ໂອ້ອວດເກີນໄປ

7. ຝຶກຊ້ອມເລື້ອຍໆ – ໃຫ້ທົດລອງການສໍາພາດນຳໝູ່ເພຶ່ອນ ຫຼື ຜູ້ອາວຸໂສ

• ການປະຕິບັດຝຶກຊ້ອມເລື້ອຍໆຈະຊ່ວຍໃຫ້ເຮົາເວົ້າໄດ້ຢ່າງຄ່ອງແຄ້ວຫຼາຍຂຶ້ນ, ປັບພາສາກາຍຂອງເຮົາ, ແລະ ຮູ້ຈັກຕົວເອງດີຂຶ້ນ

• ການບັນທຶກຝຶກສ້ອມຕົວເຮົາເອງ ຫຼື ຖາມໝູ່ເພື່ອນ ຫຼື ທີ່ໃຫ້ຄຳຄິດເຫັນແນວທາງປັບປຸງໃຫ້ດີຂື້ນ

8. ເຮົາຕ້ອງເປັນຕົວເຮົາເອງ ເວລາເຂົ້າສຳພາດ

• ໃຫ້ບຸກຄະລິກກະພາບຂອງເຮົາເບີ່ງສົດໃສ ແລະ ເປັນມືອາຊີບ

• ເຖິງແມ່ນວ່າເຮົາຮູ້ສຶກຕື່ນເຕັ້ນ, ເຮົາກໍ່ຕ້ອງພະຍາຍາມຮັກສາທັດສະນະຄະຕິທີ່ດີຕະຫຼອດເວລາການສໍາພາດ